Bandari ya Dar es salaam ni bandari kuu nchini Tanzania yenye uwezo wa kuhudumia tani za metriki milioni 14 za shehena kavu na tani za metriki milioni 6.0 za vimiminika. Bandari hii ina jumla ya urefu wa meta 2,600 na gati 11 zenye kina kirefu.

Bandari ya Dar es Salaam inahudumia takriban asilimia 95% ya biashara ya kimataifa ya Tanzania. Bandari hii pia inahudumia nchi zisizo na bandari kama vile Zambia, Jamhuri ya Kidemokrasia ya Congo, Burundi, Rwanda, Malawi, Uganda na Zimbabwe.

Bandari hii ipo kimkakati ili kutumika kama kiunganishi rahisi cha usafirishaji sio tu kwenda na kutoka nchi za Afrika Mashariki na Kati, bali pia kwenda na kutoka Mashariki ya Mbali na Kati, Ulaya, Australia na Amerika.